شاركوني الرأي والمشورة يا ملاك الافالون 2015

لبازعي افضل وكلاء تويوتا ب الخليج بالمواصفات لان مواصفاته شد مصنع

استغرب اللي يسال عن مسكةالسعر اذا تبيها ماتخسر خذ مستخدم مامشى شي

وعليكم السلام ورحمة الله وبركاته

عبد اللطيف جميل ممتاز كخدمة ما بعد البيع
لكن أسعار الصيانة وقطع الغيار غالية وهذا ليس ذنبه

أما ما يخص السعر، إذا حافظت على السيارة ووكيلها يخدمها ستجلب لك سعر مناسب
أما إذا أي سيارة أسيء استخدامها أو تعرضت لحوادث لا قدر الله أو وكيلها لا يوفر لها قطع
وصيانته تعبانة أو معروف عنها المشاكل والعيوب المصنعية فلن تحقق سعر بيع مناسب.

البازعي فيها تشغيل عن بعد ورادر بس سعرها غالي وبقيمتها بصراحة اشتري سيارة ثانية اطلق منها


مسكت السعر مهيب لذيك الدرجة 2012 كانت مرغوبة وماسكه سعرها اما الجديدة حتى الوكالة طيحت سعرها لأن ماعليها اقبال كثير



وبالنسبة لمسكت السعر ماعليش اسمح لي على هالكلمة انت شاري موتر تتبردق في مواصفاته وتوسع صدرك وتنطرب على الشكل والمركب والقيادة ولات تفكر في 5 الالف بعد 5 سنوات ماتدري انت حي ولا ميت الله يعطينا وياك طولت العمر ، لعلمك الافلون الجديدة ماتمسك سعرها انا اقول لك اياها شف اسعارها مستعملة 2013 وبتعرف كلامي



خلاصة الكلام انا ما اقول لك لاتشتريها اذا انت مقتنع من الموتر توكل على الله والله يبارك لك والافلون سيارة مايختلف عليها اثنين لكن لاتلزم نفسك على موتر ما اقتنعت فيه 100% عشان تفكر في فرق السعر بعد 5 سنوات واخرتها انت والسيارة اللي كانت في بالك مابينكم شي وتتحسف على ذا السنين


بالتوفيق

لو تقدر تنتظر بتنزل تحديثات خفيفة على موديل 2016
اكتب باليوتيوب
2016 toyota avalon 

ممتازه وتمسك سعرها 

معي لمتد فل حلوه رساوه وراحه ومواصفات وامنه بها 12 ارباق 

البازعي افضل مواصفات لكن سعره غالي الفل ب148 

بالنسبة لتعليق ابراهيم ان الافالون رخص سعرها وماعليها اقبال.. الكلام هذا غير صحيح

اغلب السيارات الي لها فتره مانغيرت ولا صار فيها تحديث "فيس لفت" نزل سعرها وهذا شي طبيعي

عندك اللكزس es قبل كان سعر فئة cc فوق 180 الف والان ب 170 وهي عليها اقبال كبير جدا 

وعلى فكره الافالون عام 2013 كانت ب146 الف اعلى فئة 

وسعرها الان عند عبداللطيف ب 141 ماينقص ريال واحد 

والمعارض تبيعها ب139 ولا يخصم منها هلله وحده 

وهذا دليل ان سوقها ماشي وعليها اقبال.. يعني زبونها موجود 

مسيك بالخير يا العريني

اولاً احترم امتلاكك للسيارة واهنيك في الاختيار فعلن سيارة موفقة وهي الوحيدة اللي احترمها من تويوتا


لكن فعلن متراجعه مبيعتها ومهب كل الناس هاضمتها من معجبين تويوتا واكبر دليل ضربت 2012 في السعر اجل سعرها نفس سعر ذي في المعارض ولازال فيه ناس يدفعون فيها فوق 115 الف


انا ما اقول لك اني مؤيد او معارض انا محايد


لكن انا واقف على 2014 وخويي مطلعها بدون شاشة فل ب 127 من الوكالة واللي بشاشة ب 137500 وشف كم اسعار 2012


وبعدين لما تكلمت عن السعر اتكلم في المستعمل لا تحاول تبرر ان 2012 مهيب اغلى منها شف كم توصل اسعارها والعالم طقاق عليها وهذا اعلان يثبت كلامي 8552753



بالتوفيق وارجوك ماتكون متعصب للسيارة اللي تمتلكها وتقول الحق ماقلنا الافلون سيئة ولا اردى السيارة لكن رغبة العالم في 2012 هذي حقيقة مثل ماصار للكامري 2002 ولا زال مستمر


تحياتي وعلى فكرة مهب انا اللي عطيتك ديسلايك لا تتوقع اني زعلت من تعليقك وعطيتك ديسلايك يشهد الله انه مهب انا

واجهتها قبيحة

صحيح كلامك  2012 ارغب وماسك سعره وانا والله اعجبني الموديل هذا اكثر من الجديد 

بس شيك على اسعار الجديد 2013 وفوق بتلاحظ ايضا انه ماسك سعره 

اسعاره فوق المية الف والقديم انظف شيء تقريبا ب95 الف مستخدم مو مخزن 

ولا تنسى ان الموديل الجديد القادم جاي بفيس لفت وممكن يرتفع سعر الافالون ل150 الف

وبكذا راح يظل ماسك سعره الشكل الحالي المستعمل لسنتين قدام 

وابد يا ابراهيم خذ راحتك واطرح وجهة نظرك انا هدفي من الرد في البداية اوضح سبب رخص سعرها في الوكالة 
بدون اي تعصب انا اذا بتكلم عن الافالون في اي رد بتكلم بشكل عام بدون تحديد جديد او قديم 
مافيه هدف اصلا لما تقارن بينهم.. المقارنة بالنهاية على الشكل 
والناس اذواق.. مستحيل تناقش الناس في اذواقها ورغبتها 

بالنسبة لموضوع الديسلايك انا والله ما طقيت خبر ههههه
قبل لادخل على الرد عندي بالاشعارات فوق 10 ديسلايك 
والله مالي خلق ادور الي يقيم ذا او اشك باحد 

8626368 ..... افلون 2012 وصل سومها 110 من جده صاحب الاعلان اجل وكاله كم كانت 

السيارة مريحة راسية تمسك سعرها لكن البازعي افضل من عبد اللطيف برادار تشغيل عن بعد وسعرها في امريكا فل نفس سعر البازعي عبد اللطيف عشان يرخص السعر شال الاشياء الغير ضرورية ونزل السعر انصحك تتنتظر 2016 صار لها فيس لفت بس انتبه ترى احيانا الوكيل يكتب 2016 وهي 2015 بس عشان يمشي الموتر كتب 2016 تاكد من هالنقطة وشوف الفيس لفت فيديو عشان تتاكد واذا مالك رغبة في الفيس خذ 2015 بطله 

الأفالون الشكل الجديد فيه عيب مصنعي بالقير أنتبه منه .. و الآن ناس معهم 2015 يقولك القير بدأ يطع منه صوت 

بعد التجربة 
السيارة تقريبا مريحة لكن لا تتحمل الحفر والمطبات التحذيرية وشوارعنا المسطرية مع العلم اصوات الديكور بدأت تطلع والسبب عيون القطط والتحويلات و
والتشققات اللي في الطرقات السريعة وداخل الاحياء 


العيب الثاني اللي لاحظته بصراحه ان صوت البوري وانت داعس فرامل غير صوتها بدون دعس الفرامل تحس انه بيموت 

ماشيه 5000 واحس يبغى لها تربيط --------- فضيحه
ندمت اني شريتها

حرام ما تسوى اكثر من 90 الف جديد